martes, 23 de agosto de 2016

ACTIVIDADES PARA O MES DE SETEMBRO: Obradoiro de cine e Terrazas de verán


Seguindo a nosa programación de verán, a biblioteca Xosé Neira Vilas ten programado para o mes de setembro máis actividades para que disfrutedes da programación de animación e actividades para todas as idades.

Terrazas de verán 
8 de setembro: Encontro co escritor Fran P. Lorenzo, autor de "Cabalos e Lobos".Será un encontro informal cos lectores e lectoras, unha charla amigable onde as persoas participantes poderán falar, preguntar ao escritor e intercambiar opinións sobre o que rodea ao mundo literario. Serás ás 19:00 h.

9 de setembro: Cabaré musical: Lilí Berlín. Suso Alonso e Blanca Cendán preséntannos o cabaré musical Lili Berlín: crítica social ilustrando as melodías de compositores como Kurt Weill, Friedrich Höllander, Scott Joplin, John Kander,....Será tamén ás 19:00 h.

Obradoiro de cine : unha viaxe a través do cine fantástico e de terror

20,22,27 e 29 de setembro: Neste obradoiro preténdese facer un achegamento entretido a un dos xéneros máis carismáticos e imaxinativos do cine e a literatura. Será en horario de 18:00 a 20: 00 horas, e haberá 15 prazas para realizalo. A inscrición para o mesmo será a partir das 10.30 horas do 1 de setembro, e estará enfocado para público adulto a partir de 16 anos.

Dende a biblioteca animádevos a participar nestas actividades que rematarán a programación estival deste caluroso verán 2016


jueves, 18 de agosto de 2016

AUTOR DO MES : AGUSTÍN FERNÁNDEZ PAZ

Agustín Fernández Paz ( 1947-2016) foi en 2008 Premio Nacional de Literatura pola obra "O único que queda é o amor". É un dos escritores máis coñecidos e valorados no ámbito da literatura infantil e xuvenil, tanto en Galicia como no resto de España.
Na nosa biblioteca contamos cunha extensa lista de obras deste magnífico autor e excelente persoa, cunha calidade humana moi grande. Animádevos a ler algunha das súas novelas, contos, poesías, e veredes da grandeza dun grande escritor.
Obras: As flores radiactivas, Cartas de inverno, O único que queda é o amor, Un radiante silencio, Rapazas, A neve interminable, Las hadas verdes, Aire negro, Lúa de Senegal, A praia da esperanza, Malos tempos para os fantasmas, Noites de voraces sombras, Corredores de sombras, O rastro que deixamos, Desde unha estrela distante, Non hai noite tan longa, A viaxe de Gagarín, .....

viernes, 29 de julio de 2016

Novo servizo de autopréstamo

A biblioteca Neira Vilas no seu afán de incorporar as novas tecnoloxías inaugura o novo servizo de autopréstamo.


Con este novo servizo os usuarios poderán emprestar e devolver os seus libros e Cds de música de forma independente e sen ter que pasar polo mostrador. O usuario ten que ter consigo o seu carné de socio para poder acceder a este servizo xa que é necesario pasar o código de barras que o identifica por o lector e seguir as indicacións que vai indicando a pantalla.



martes, 12 de julio de 2016

AUTOR DO MES. Patrick Modiano


Neste verán de 2016, a biblioteca Neira Vilas e dentro do seu programa de "Autor do mes" recomenda as lecturas de Patrick Modiano para pasar unhas tardes moi entretidas.

Novelista francés, gañador do Gran Premio de Novela da Academia Francesa, do Premio Goncourt e do premio Nobel de Literatura.

Na biblioteca Neira Vilas temos os seguintes títulos do autor deste mes, por si vos animades a lelos nestes días calurosos á beira do mar:
-La hierba de las noches
-Trilogía de la ocupación
- Para que no te pierdas en el barrio
-Ropero de la infancia
-Catherine

Boas lecturas!!!!!

sábado, 2 de julio de 2016

A miña experiencia na Biblioteca Xosé Neira Vilas

Gran parte da nosa vida vivímola en ciclos, uns bos, outros non tanto, pero o que aquí vou a rematar foi dos mellores que eu tiven. Hoxe culmino a miña etapa na Biblioteca Xosé Neira Vilas.
A nivel profesional non podía estar máis contenta: un traballo que responde á miña formación académica, nunha biblioteca de renome, ambiciosa, adaptada aos novos tempos e moi preocupada por difundir a nosa cultura. Unha biblioteca de proximidade que se ergue como un lugar de encontro para comunidade, cun montón de actividades, obradoiros, espectáculos para todas as idades e que visitan cada ano unha morea de escolas, organizacións e centros de diferente natureza...Como ía imaxinar eu que se ía traballar tanto! De seguro que algunha vez escoitástedes iso de “Pequena pero matona”.
Agora ben, o mellor sen dúbida desta experiencia foron os compañeiros. Fixéronme entender que cun bo equipo de traballo se poden lograr moitas cousas e só convosco puiden visualizar isto dun xeito xenial. Síntome moi afortunada de ter coñecido a persoas tan valiosas que contaxian o seu entusiasmo e as ganas de ser os mellores.
Anxo, Susana e Noelia oxalá non cambiedes nunca. Isto, por suposto que non é un adeus, é un ata logo sincero e de todo corazón.


martes, 21 de junio de 2016

Actividades de verán na Biblioteca

Durante os meses de verán a biblioteca non descansa. As nosas instalacións vanse encher de actividades, obradoiros e mostras bibliográficas tanto para os máis cativos como para o público adulto. Botádelle unha ollada a todo o que podedes facer estes meses de xullo e agosto.

XULLO 

- Do 01 ao 31  Mostra bibliográfica: Cultura urbana Público xeral. 

- Do 01 ao 31  Cita a cegas Público xeral

- Do  01 ao 10 Feira do libro Público xeral

- Mércores 13 e xoves 14 ás 11:00 h.  Obradoiro encadernación: libro acordeón Público infantil maiores de 8 anos



AGOSTO

- Do 01ao 31  Mostra bibliográfica: Cultura urbana Público xeral

- Do 01 ao 31  Cita a cegas Público xeral

- Martes 23 e xoves 24 ás 11:00 h.  Obradoiro de breaking: the first moves Público infantil maiores de 8 anos

miércoles, 13 de abril de 2016

Abril, o mes do libro

A Biblioteca ofrece diversas actividades e obradoiros durante este mes para celebrar xuntos que o 23 de abril é o Día do Libro:

-O xoves 14 ás 18:00h. é "A HORA DOS CONTOS". Actividade de  animación a lectura para o público infantil dende 3 ata 10 anos.

- O venres 15 ás 18:00h. "ENTRE ARROLOS E CONTIÑOS". Para bebés dende 12 meses ata 3 anos, achegamos os máis cativos a paixón pola lectura. (prazas cubertas!)

- O luns 18 comeza a mostra bibliográfica "400 ANOS DE CERVANTES". Con motivo do IV Centenario da morte de Miguel de Cervantes, presentamos unha mostra coa que achegarse a este xenio da literatura universal. Estará vixente ata o sábado 30. 

- O luns 25 ás 18:00h. "OBRADOIRO DE PAPEL MÁRMORE". Para público adulto. Inscríbete neste obradoiro onde aprenderemos a elaborar papel mármore, técnica utilizada tradicionalmente na encadernación.

- O martes 26 ás 18:30h. "ARAÑEIRA DE LINGUAS". Público familiar. O Colexio Mariano presenta na Biblioteca o seu proxecto de dinamización lectora, no que a través de diferentes traballos amosan o seu gusto pola lectura.

- O xoves 28 ás 18:00h. "AS TARDES DO ROQUE". Actividade de animación á lectura para rapaces dende 3 ata 10 anos.

- O venres 29 ás 19:30h. "CONTOS DAKÍ". Para público adulto. María da Pontragha ven a contar historias cheas de retranca e de humor.