lunes, 15 de enero de 2018

De verbas a fotogramas: Ciclo de Cine


Durante este mes de xaneiro ofrecemos na bilioteca unha mostra das diferentes fórmulas de audiovisual que se realizan en Galicia, ao redor da literatura e as verbas. Visionaranse os proxectos e faremos un encontro con algún dos seus directores e protagonistas.


  • Mércores 17 de xaneiro de 2018 ás 19,00h: Isaac Díaz Pardo: ISAAC 
  •  Mércores 24 de xaneiro de 2018 ás 19,00h: Xosé Neira Vilas: O espantallo amigo
  • Mércores 31 de xaneiro de 2018 ás 19,00h: Marcial Lafuente Estefanía



 ISAAC
O Documental dirixido por Xosé Abad “ISAAC” sobre a figura de Isaac Díaz Pardo, .
Coproducido por EAF Produccións e CRTVG, e coa colaboración da Consellería de Presidencia, Administracións Públicas e Xustiza, e da Consellería de Cultura e Deporte:
“ISAAC” e un documental sobre Isaac Díaz Pardo, o fundador, promotor e primeiro traballador do Laboratorio de Formas, de Cerámicas do Castro, de Sargadelos, de Edicións do Castro e do Instituto Galego da Información.

Baixo a dirección de Xosé Abad e con guión de Carlos Vázquez, realizouse este documental que, sen renunciar a elementos biográficos, pretende amosar sen artificios, o pensamento, a opinión e os sentimentos de Isaac Díaz Pardo sobre o seu tempo, o seu mundo e o seu país. Economía, Emigración-Inmigración, a guerra do Irak ou lembranzas da República e da Guerra Civil son temas sometidos no documental á súa disección lúcida. Aos seus 87 anos, cunha saúde intelectual envexable, Isaac é quen de ofrecernos a súa opinión sempre comprometida e excepcionalmente libre e libertaria.
Isto quere contarse con ritmo vivo, sentido do humor e a clarividencia que lle son propias a perxonaxe galega máis relevante e fértil de todo o século vinte e parte do vinteún.
En definitiva “ISAAC” ven sendo Isaac.

O ESPANTALLO AMIGO

XOSÉ NEIRA VILAS abre as portas da súa casa e da súa memoria para amosarnos, nunha entrevista, un percorrido polas súas andaduras vitáis e literarias. Ao mesmo tempo transcorre en paralelo a animación do seu conto O Espantallo Amigo. Realidade e ficción terminan por mesturarse, escenificando unha fermosa apoloxía á xenerosidade, á amizade e ao poder expansivo da lingua galega.
Para recrear o conto de O Espantallo Amigo foi necesario realizar un esforzo a nivel de animación e integración 3D en contornas reais. Nada que non poida solucionar a ilusión que transmitiu o gran Neira Vilas, un home inmenso, xeneroso, apaixonado, cun inabarcable saber e unhas ganas inesgotables de ser útil aos seus 87 anos.


M.L ESTEFANÍA. GALICIA, MÁIS OESTE QUE NUNCA

Mediante testemuños e material de arquivo abórdase a figura de D. Marcial Lafuente Estefanía, popular autor de novelas do Oeste, que comezou a súa carreira en Vigo nos anos 40, da man da Editorial Cíes, a primeira galega da posguerra.
Entre os participantes destaca Federicio Lafuente, fillo de Marcial que segue escribindo as noveliñas do pai, e con profundos lazos con Vigo ao transcorrer aquí a súa infancia e adolescencia. Xunto a él entrevístase a escritores como Fernando Sabater, X.L. Mendez Ferrín, Francisco G. Ledesma, Eduardo Mendicutti ou Domingo Villar; especialistas como Carlos Abraham, Fernando Eguidazu e Pedro Puialto; ou á popular autora de novela rosa Corín Tellado, falecida en 2009, e que concedeu a súa última entrevista para este documental.
Por outra banda, lectores e vendedores, de España e Latinoamérica, axúdannos a comprender a vixencia do fenómeno Estefanía. O documental desprázase, con este obxecto, a Barcelona, Madrid, Montevideo, Managua ou Bos Aires.
Inédito material de arquivo, localizado tras unha exhaustiva labor de investigación, complementa os citados testemuños. Resaltar, o apoio da familia do fundador de Cíes, Barrientos, que proporcionou fotografías e documentos diversos cos que se puido reconstruir a intensa actividade da editorial nos seus 20 anos de existencia.
Finalmente, a modo de noveliña, o documental inclúe o considerado primeiro western galego ou grelos- western, ‘NAIPE DE SANGUE’, estrenado no Festival de Cans, en maio de 2010 e protagonizado por Silvia Superstar e Eladio Santos entre outros. Este curtametraxe despertou o interese dos medios de comunicación e cosechou un gran éxito do público e a crítica; resultando seleccionado para competición, entre máis de 700 producións de todo o mundo no Festival Internacional de Cine de Ourense.



miércoles, 3 de enero de 2018

Os mellores lectores do 2017



                                                                                      Ilust. Maori Sakai

Como cada ano facemos  reconto para ver quenes foron os nosos usuarios máis lectores.
E para agradecerlles tanta fidelidade fixémoslle un agasallo para que inicien o 2018 con novas lecturas.

Estes foron os usuarios adultos máis lectores:

- Carmen Roma Vázquez
- Alba González Correa
- José  Pedro Cuadrado Gago


Usuarios infantis e xuvenil máis lectores:

- Sarah Peón Fernández
-Antía Moure Davila
-Saul Rivera Moura


Parabéns!

                                                                                              Il.María Hesse

viernes, 29 de diciembre de 2017

Os libros galegos máis prestados na biblioteca no 2017

Estamos a piques de rematar o ano e é tempo de facer balance de todo o acontecido neste 2017 e sobre todo das nosas lecturas. Eses libros que nos acompañaron nestes 365 días e nos fixeron descubrir asasinos, percorrer o fondo do mar da ría de Vigo ou as rúas da nosa cidade.

Aquí vos deixamos a lista dos libros en galego  máis prestados na Biblioteca Neira Vilas


LIBROS DE FICCIÓN PARA PÚBLICO ADULTO


1. A ira dos mansos. Manuel Esteban (Ed. Xerais)

Manuel Esteban gañou o Premio Xerais de Novela con esta novela negra protagonizada polo inspector Manso quen atopa o corpo dunha rapaza asasinada no noso barrio.



Esteban estivo este setembro con nós nas Terrazas de Verán e soubo conquistar ao público asistente e lograr unha cola enorme na lista de reservas da súa novela.




2. Fillos do lume. Pedro Feijoo (Ed Xerais)

A novela de Pedro Feijoo xa tiña reservas antes de que chegase á biblioteca. Precedida polos seus anteriores traballos, Fillos do mar, A memoria da choiva, Morena, perigosa e románica, os nosos usuarios morrían das ganas de coñecer as novas andanzas de Simón e Mariña.

Pedro Feijoo visitounos en outubro para falar da súa novela. Como sempre foi un pracer escoitalo falar do seu traballo.

3. Os nenos da varíola. María Solar (Ed. Galaxia)

 A historia dos nenos que saíron dende A Coruña en barco ata América levando nos seus corpos a vacina da varíola na famosa expedición Balmis conquistou aos nosos lectores









LIBROS DE FICCIÓN PARA PÚBLICO PRELECTOR

1. O gato lambón. Patacrúa e Oliveiro Dumas (Ed. Kalandraka)

Este álbum ilustrado baseado nos contos tradicionais europeos onde aparece un gato lambeteiro é todo un éxito entre os máis cativos da biblioteca.








2. Carabuñas. Margarita del Mazo & Chalotte Pardi (Ed. OQO)
As verdadeiras historias de amizade sempre son as preferidas dos nosos lectores e máis se son así de divertidas.











3. A vaca que puxo un ovo. Andy Cutbill & Rusell Ayto (Patasdepeixe)
Como resistirse a unha historia que narra unha acontecemento tan raro coma que unha vaca poña un ovo!



LIBROS DE FICCIÓN PARA PÚBLICO INFANTIL

E chegou o "fenómeno Ledia Costas" os seus libros pasan moi pouco tempo entre os andeis da biblioteca...
Cun empate en préstamos atopamos as historias desta pequena namorada da cociña.

1. Esmeraldina, a pequena defunta. Ledica Costas (Ed. Xerais)
2. Escarlatina, a cociñeira defunta. Ledica Costas (Ed. Xerais)






3. Marcopola. Jacobo Fernández (Ed. Xerais)
As catro historias de Marcopola son os cómics en galego máis prestados da biblioteca.








LIBROS DE FICCIÓN PARA PÚBLICO XUVENIL

1. Unha estrela no vento. Ledicia Costas (Ed. Xerais)
Historias de instituto de respecto e madurez que fan que a rapazada que visita a biblioteca fiquen namorados desta novela.
2. Jules Verne. e a vida secreta das mulleres planta. Ledicia Costas (Ed. Xerais)
En 2015 Ledicia foi galardoada co Premio Lazarillo con esta novela, premio que repite neste 2017 coa súa obra Plumas e unicornios. Unha historia centrada na cidade de Vigo no século XIX e nos días en que o mismisimo Jules Verne visitaba a nosa cidade mergullándonos nun mar de misterios.



3. Xa non estou aquí. Iria Misa
Cando Ánxela desaparece da casa son moitas as voces que se preguntan porque marchou e  se puideron facer algo para que isto non sucedera.

Iria Misa estivo na biblioteca para festexar con nós este ano o Día do Libro Infantil e Xuvenil e para encontrarse cun grupo de rapaces que tiñan unha morea de preguntas sobre a súa novela.














LIBROS DE NON  FICCIÓN 

Fora dos libros da ficción está claro que o que máis lles interesa aos nosos usuarios e preparar novas receitas de cociña para sorprender aos seus comensais.

1. Aperitivos e tapas. Mariona Queadrada (Ed. Bahía)
2. Cociña galega caseira. Nieves Feros (Ed. Bahía)
3. Cociña de larpeiros. Benigno Campos (Ed. Galaxia)





miércoles, 20 de diciembre de 2017

Felices Festas


Dende a Biblioteca Xosé Neira Vilas 
desexámosvos 
2018 boas lecturas!

lunes, 11 de diciembre de 2017

Patria. Unha novela de Fernando Aramburu




Aínda quente o seu premio Nacional de Literatura, concedido por persoas moito máis cualificadas ca min, escribir esta opinión sitúame na posición de dicir o que penso aínda sabendo que vou quedar fatal facéndoo. Por que o fago entón? Nin idea

Dicir no seu favor, que dentro do noso club de lectura a novela levantou unha onda de entusiasmo e entrega incondicional bastante xeneralizados, ata o punto de que algunhas lectoras botaron de menos unas cantas páxinas máis. En xeral, todo o grupo destacou a mestría da caracterización dos personaxes, vascos da cabeza aos pés, entrañables e carnais, cos que se produce unha empatía inmediata. Tamén eloxiou a capacidade do autor para mostrar de xeito bastante imparcial a problemática do conflito armado a través desas dúas familias ás que entendes nas súas respectivas posicións e coas que convives ao longo dos miles de detalles que conforman unha realidade cotiá que se volve extraordinaria unha vez que é tocada pola mestría coa que Aramburu constrúe un meticuloso relato da vida nunha pequena vila de Euskadi en tempos de ETA, que son os nosos tempos, articulado sobre a descrición minuciosa e a combinación de puntos de vista.

Quizais aquí debería determe. Pero vou seguir. Ao rematar as súas máis de seiscentas páxinas de mestría formal síntome coma se viñese de ler un libro do século XIX centrado nun tema do século XX. E pregúntome cal é o papel da literatura hoxe e se quizais o formato ideal para o que aquí se conta neste século XXI fose o cine documental, que no século XIX non existía. Tamén me pregunto se Aramburu terá certa obsesión coas nais que exercen de nais, terroríficas todas, con maridos-bebé e fillos-bebé que parecen peleles ante elas. E se é certo que as mulleres vascas son cuspidiñas a estas, suspiro aliviada de que ningunha delas sexa nin miña nai nin, moito menos, a miña sogra.

O mellor: o título.

 Dolores Ruiz 

jueves, 30 de noviembre de 2017

PROGRAMACIÓN DECEMBRO 2017


MOSTRA BIBLIOGRÁFICA: Achégase o inverno

A biblioteca expón durante este mes unha escolma bibliográfica que ten como fío condutor o inverno. Coa chegada estes días do solsticio os propoñemos unha selección de lecturas que se desenvolven nesta estación, e nas que o inverno ademais de un marco temporal ten tamén unha dimensión simbólica.
Estas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.
Mostra bibliográfica: Revolución Rusa Biblioteca Neira Vilas

Do 1 ao 31 de decembro
Horario de apertura da biblioteca
Para: Público xeral, todas aquelas persoas que se acheguen á biblioteca.

 
RECOMENDACIÓN DO MES: Kazuo Ishiguro
Mostra bibliográfica
Neste mes de decembro queremos recomendar a obra do último Premio Nobel de Literatura Kazuo Ishiguro. O xurado destacou "as súas novelas de gran forza emocional que descubriron o abismo baixo o noso ilusorio sentido de conexión co mundo". A súa obra máis celebrada é Los restos del día (1989)
Recomendación do mes Neira Vilas na bibliotecaEstas obras están a disposición das persoas usuarias da biblioteca en consulta en sala e dispoñibles así mesmo para o servizo de préstamo.


Do 1 ao 31 de decembro
Horario de apertura da biblioteca
Para: Público xeral, todas aquelas persoas que se acheguen á biblioteca.

 
A HORA DOS CONTOS: Raquel Queizás
A hora dos contos é un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos libros e a lectura.
A hora dos contos Biblioteca Xosé Neira Vilas  Raquel Queizás

Venres, 1 de decembro ás 18.00 h 
Para: público infantil dende 3 anos.
Aforo limitado

CLUB DE LECTURA: De outubro a xuño
Club de lectuta Biblioteca Xosé Neira VilasO club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.
Xoves, 14 de decembro ás 19.00 h
Para: Público socio do club.
 

CONTOS DAKÍ: Regueifas

Contos Dakí é un ciclo no que nos visitan algúns dos contadores e contadoras de máis renome do panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes o público que teña o pracer de escoitalas. Nesta ocasión visítannos dous regueifeiros da Asociación Oral de Galicia.
Contos Regueifas Biblioteca Pública Municipal Xosé Neira Vilas





Venres, 15 de decembro ás 19.30 h
Para: Público adulto.
Aforo limitado

MOSTRA BIBLIOGRÁFICA: Mostra de Nadal

Mostra bibliográfica  Biblioteca Neira VilasDurante as festas de Nadal a Biblioteca Neira Vilas ofrece unha mostra na que atopar moitas ideas para decorar a túa casa, preparar novas receitas nas celebracións, facer agasallos ou gozar con diferentes historias para celebrar estas datas.
Para público xeral, todas aquelas persoas que se acheguen á biblioteca.
Do 22 de decembro ao 6 de xaneiro
Horario de apertura da biblioteca
Para: Público xeral, todas aquelas persoas que se acheguen á biblioteca.

BUZÓN REAL

O Buzón Real estará na biblioteca para que todo o mundo poida deixar as súas peticións aos Reis Magos e contarlles como se portaron durante todo o ano.
Buzón Real na biblioteca

Do 22 de decembro ao 5 de xaneiro
Horario de apertura da biblioteca
Para: Público xeral, todas aquelas persoas que se acheguen á biblioteca.
 

ENTRE ARROLOS E CONTIÑOS

PREVIA INSCRICIÓN* 1 DE DECEMBRO ÁS 10.30 H ABRE O PRAZO DE INSCRICIÓN
Un venres ao mes grazas a Bea e a Paulo os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.

Entre arrolos e contiños Biblioteca Xosé Neira Vilas






Venres, 22 de decembro ás 18.00 h
Para: Público infantil de 12 meses a 3 anos.

OBRADOIRO DE NADALÁlbum de fotografías

PREVIA INSCRICIÓN* 5 DE DECEMBRO ÁS 10.30 H ABRE O PRAZO DE INSCRICIÓN
Con motivo das festas do Nadal a Biblioteca Xosé Neira Vilas organiza un obradoiro no que o público infantil poderá realizar o seu propio álbum de fotografías para ir engadido fotos ao longo do novo ano que comeza.

Achégate á internet Biblioteca Xosé Neira Vilas

Xoves, 28 de decembro
Horario de 11.00 a 13.00 h
Para: público infantil dende 5 anos.

A CESTA DOS LIBROS

Para celebrar que remata o 2017 premiamos aos lectores máis activos de cada categoría (adulto e infantil) cun lote de libros para que poidan comezar o 2018 gozando das mellores lecturas.

Cesta dos libros Biblioteca Xosé Neira Vilas






Venres, 29 de decembro

 






















martes, 14 de noviembre de 2017

Rosa Montero, Premio Nacional das Letras



A escritora Rosa Montero gañou o Premio Nacional das Letras Españolas, premio otorgado polo Ministerio de Educación, Cultura e Deporte. O xurado recoñeceu a  Rosa Montero por "a súa longa traxectoria novelística, xornalística e ensayística, na que demostrou brillantes actitudes literarias, e pola creación dun universo persoal, cuxa temática reflicte os seus compromisos vitais e existenciais, que foi cualificado como a ética da esperanza".

Rosa Montero naceu en Madrid en 1951. É titulada en xornalismo na Escola Superior de Xornalismo de Madrid (1970-1975). Traballou con grupos de teatro independente como Canon ou Tábano. Desde 1970 colaborou con diversos medios informativos (Fotogramas, Pobo, Posible, Irmán Lobo) e desde 1977 traballa para o diario O País, no que foi redactora-xefa do suplemento dominical en 1980-1981. 

Os seus textos xornalísticos aparecen de forma habitual en diversos xornais latinoamericanos. Escribiu con regularidade para diarios como Clarín (Arxentina) ou O Mercurio (Chile), e colaborou en medios como Stern (Alemaña), Libération (Francia), A Montagne (Francia) ou The Guardian (Reino Unido).

Ao longo da súa vida fixo máis de 2000 entrevistas (ao Aiatolá Jomeini, Yassir Arafat, Olof Palme, Indira Gandhi, Richard Nixon, Xullo Cortázar ou Malala, entre moitos outros) e a súa técnica como entrevistadora é estudada nas universidades de xornalismo tanto en España como en Latinoamérica.

Foi profesora visitante en Wellesley College, Boston (EEUU) e na Universidade de Virginia (EEUU). Impartiu minicursos de escritura creativa na Universidade de Bingham Young, Utah, (EEUU) e no Miami Dade College, Miami, (EEUU) e recibiu unha bolsa para dar conferencias da Queen's University de Belfast (Reino Unido). 
Ensinou literatura e xornalismo na Escola de Letras e na Escola Contemporánea de Humanidades, ambas de Madrid. Impartiu leccións maxistrais en aperturas de curso e cerimonias de gradación en diversas universidades, entre elas a de Salamanca, a Complutense de Madrid e a Carlos III. Participou en centenares de simposiums, conferencias e encontros en Europa, América, Asia e África, desde Feiras do libro como as de Guadalaxara (México) ou Frankfurt (Alemaña) a actividades académicas en universidades como Harvard e Cornell (EEUU), Oxford e Cambridge (Reino Unido), Heildelberg e Gotinga (Alemaña), Venecia (Italia), Pau (Francia) ou Minia (Exipto), entre moitas outras.

Escribiu  os guións dunha serie de televisión, Media Laranxa, que obtivo o premio Martín Fierro á mellor produción estranxeira en Arxentina en 1988 e traballou como coguionista, presentadora e entrevistadora na serie documental arxentina Ditadoras (2015). 

En 1978 gañou o Premio Mundo de Entrevistas, en 1980 o Premio Nacional de Xornalismo Literario e en 2005 o Premio da Asociación da Prensa de Madrid a toda unha vida profesional, entre outros galardóns profesionais. 

Publicou as novelas: Crónica do desamor (1979), A función Delta (1981), Tratareiche como a unha raíña (1983), Amado Amo (1988), Tremor (1990), Bela e Escura (1993), A filla do caníbal ( Premio Primavera de Novela en 1997 e premio Círculo de Críticos de Chile 1997), O corazón do Tártaro (2001), A Tola da casa (2003), Premio Que Ler 2004 ao mellor libro do ano, Premio Grinzane Cavour ao mellor libro estranxeiro publicado en Italia no 2005, Premio Roman Primeur  de Saint-Emilion, Francia (2006); Historia do rei transparente (2005), Premio Que Ler 2005 ao mellor libro do ano, e Premio Mandarache 2007; Instrucións para salvar o mundo (2008), Premio dos Lectores do Festival de Literaturas Europeas de Cognac (Francia, 2011); Bágoas na choiva (marzo 2011), Bágoas na choiva. Cómic (outubro 2011), Premio ao Mellor Cómic 2011 por votación popular (Salón Internacional do Cómic de Barcelona), A ridícula idea de non volver verche (marzo 2013), Premio da Crítica de Madrid (2014) e Prix du Livre Robinsonnais 2016 da Bibliothèque du Plessis Robinson, Francia; O peso do corazón (2015) e A carne (2016).

Tamén publicou o libro de relatos Amantes e inimigos, Premio Círculo de Críticos de Chile (1999), e dous ensaios biográficos, Historias de mulleres e Paixóns, así como contos para nenos e recompilacións de entrevistas e artigos. 

Das súas novelas fixéronse unha decena de adaptacións teatrais, varias  curtametraxes,  unha longametraxe, unha ópera e instalacións artísticas, tanto en España como en diversos países europeos e americanos. 

Os seus libros están traducidos a máis de vinte linguas.

Na biblioteca  temos os seguintes títulos:

-La función delta

-Le roi transparent

-El amor de mi vida

-La hija del caníbal

-Lágrimas en la lluvia

-El peso del corazón

-La carne

-La ridícula idea de no volver a verte

Noraboa!!!!


Bibliografía: http://www.rosamontero.es/biografia-rosa-montero.html